Eminko na e layedan Egan Hajilocizhi nya kin Najeriya na NAHCON yawo nya ESA Hajilocizhi 26,287 aci kezhe yawo shishi nya eza 26,000 naman a de yina nayi tswafo 13, nya etswa nana na, eya 2025, wun tin kendo ezazhi yawo ya na.
Eza gba eda gwegi din guba tu kpako be shini tu gutwaba (26,287), wunga yawo a ni o. Aci e tuye kede ah de Eza gba eda eshi be gutswanyi nazhi a lo Haji eya 2025 na.
Ezanda nana wun yi kugikini nya Ndasako NAHCON Professor Abdullahi Saleh, naman e wagan ala a jin kpadenyi be tswafo 14 nya etswa nana e na kamin kin Saudi tsu yeko kendo Minister nya Hajj be Umrah e gangan na wato (MOHU) kamin a gunmin nya eganlashishi mini Fefe a Bo nayi Nusuk Masar Contracts portal na.
Mini kukuta nana o, Professor Usman dangwa be nda-ndazhi nya kin Makkah tswafo 17 nya etswa ninici, mini eya 2025 o. Egwadan nana wun yi kamina ah gba dozhi be Ndasakozhi nya Hajilocizhi nya kin tacinzhi fyanyi nazhi fi kin Najeriya o na, nda-ndazhi nazhi gikini ya kin na.
Yiga pa, Professor Usman lawu etigan egwafin be Mallam Idris Almakura, Alhaji Faruq Yaro Aliyu, Mallam Abubakar Salihu be Mallam Ameen Amshi i, ah tatoh nda-ndazhi nya eminko kin babo nazhi jin sikirini be lili nya ezazhi na.
Wuncin lawu kede dada yawo wun a fe enya na gonyi na, ebo wun kangwa nya zuman zhin.
Kagancin, Ndasako NAHCON Professor Usman CI wa egwadan nya zhimintu tishi kin Najeriya Sen. Kashim Shettima kamina wun lo kin Makkah ebo egan Hajilocizhi o, naman wunga ba Soko tswafo 19 nya etswa gubaci nana wunga a ca visazhi ladan Fefe nya kin Saudi bo.
Professor Usman wugwa nyagbanfa loba zhimintu tishi kin Najeriya etigan zumantu u Bo betoh nyagban na wun a ya Etunba NAHCON wunci lamindan Egan Hajilocizhi a sayi na aga lalo eba u na, wuncin CI la egwatso be dide nya etun wangi kendo gonyi na etigan kukuta ya lulo nya Haji nya eya 2025 nana o.
Eza Emin nya Ndasako NAHCON bo, wungan, gugo nya zhimintu tishi kin Najeriya na gomin gan wun a shiti lo kin Saudi ebo wunda u wa Egan ye etigan lulo nya Haji lo eya nana o eti nyagbanfa o.
Professor Usman wa be Hajilocizhi kede ah lamin a tu esanzhi nya NAHCON ebo ah kpe enya nazhi ga e dazan etigan Hajilo nya eya nana o na.
Eminya nana febe ya ye gwata nya Fatima Sanda Usara o nayi Zhimintu ebawuci esankucizhi nya eminko na e layedan Egan Hajilocizhi nya kin Najeriya na watoh NAHCON
